გერმანიის 2016 წლის საბიუჯეტო პროფიციტი ანუ ჭარბი შემოსავალი 24 მილიარდ ევროს შეადგენს, რაც 1990 წლის შემდეგ რეკორდულად მაღალი მაჩვენებელია.
ანალიტიკოსების აზრით, ეს მაღალმა გადასახადებმა, ძირითადად საშემოსავლო და ქონების გადასახადების მატებამ და დასაქმების ზრდამ გამოიწვია.
როგორც დასავლური მედია იტყობინება, უკვე ზედიზედ მესამე წელია, გერმანიის ბიუჯეტში შემოსავალი ხარჯებს აჭარბებს.
კანონის მიხედვით, პროფიციტის ნაწილი, დაახლოებით 7.7 მილიარდი ევრო ლტოლვილების მხარდაჭერის ფონდში ჩაირიცხება.
თუმცა ევროკომისიამ გააკრიტიკა გერმანია მაღალი პროფიციტის გამო და განაცხადა, რომ საბიუჯეტო შემოსავლის სიჭარბის შემცირებით და ინვესტიციების ზრდით, მას შეუძლია მთლიანად ევროზონის ეკონომიკას წახალისებას შეუწყოს ხელი.