ფოლკსვაგენი მომავალი ხუთი წლის განმავლობაში, ეკოლოგიურად სუფთა ავტომობილების განვითარებაში 9 მილიარდ ევროს ჩადებს.

კომპანია 2025 წლისთვის ელექტრომობილების ბაზარზე ლიდერის პოზიაცზე გასვლას გეგმავს.

კონცერნის ხელმძღვანელის მათიას მიულერის თქმით, კომპანიამ ბოლო სამი წლის მანძილზე ალტერნატიულ საწვავზე მომუშავე ავტომობილების განვითარებაში 3 მილიარდი ევრო ჩადო.

პარალელურად, ფოლკსვაგენი განაგრძობს ბენზინზე და დიზელზე მომუშავე ავტომობილების ეკოლოგიური მახასიათებლების გაუმჯობესებაზე ზრუნვას და გეგმავს, რომ 2020 წლისთვის ჩვეულებრივი ძრავები 10-15 პროცენტით უფრო ეფექტური და ეკოლოგიურად სუფთა გახადოს.