ჩინეთის მთავრობა 124 მილიარდ დოლარს ჩადებს ე.წ. ერთი სარტყელი ერთი გზის პროექტში, რომელიც ისტორიული "აბრეშუმის გზის" განახლებას ისახავს მიზნად. ახალი საინვესტიციო გეგმის შესახებ განცხადება ჩინეთის პრეზიდენტმა პეკინში მიმდინარე ფორუმზე გააკეთა, თუმცა, არ დაუკონკრეტებია, დროის რა მონაკვეთში დაიხარჯება დასახელებული თანხები. პეკინში გამართულ სამიტს 29 ქვეყნის ლიდერი დაესწრო.

საინვესტიციო გეგმის შესახებ, რომელიც აზიას, ევროპასა და აფრიკას შორის, ვაჭრობის გაფართოებას ემსახურება, პირველად 2013 წელს გახდა ცნობილი.