იტალიის საფეხბურთო თასის გათამაშების ნახევარფინალში „იუვენტუსმა“ და „ნაპოლიმ“ პირველი მატჩი ტურინში გამართეს. ტაიმი სტუმრებმა მოიგეს.

ინსინიე-მილიკი-კალეხონის კომბინაცია 10 წუთით ადრე გოლით დასრულდა. მეორე ტაიმში კი იუვემ 3 გოლის გატანა შეძლო. დუბლი შეასრულა პაულო დიბალამ, რომელმაც 2 პენალტი უშეცდომოდ დაარტყა.

მან ჯერ ანგარიში გაათანაბრა, მატჩის დასრულებამდე 20 წუთით ადრე კი, საბოლოო წერტილიც დასვა. დიბალას პენალტებს შორის კი მისმა თანამემამულე არგენტინელმა იგუაინმაც გაიტანა.

პირველი შეხვედრა „იუვენტუსმა“ 3:1 მოიგო. განმეორებითი მატჩი 5 მარტს ნეაპოლში შედგება. რაც შეეხება მეორე ნახევარფინალურ წყვილს, ერთმანეთს რომაული კლუბები „ლაციო“ და „რომა“ დაუპირისპირდებიან.