საქალაქო სასამართლოში საფინანსო კომპანია „საქართველოს“ ბრალდებულების სასამართლო პროცესი მიმდინარეობს.
დღევანდელ პროცესზე მოსამართლე ლელა კალიჩენკომ ბრალდებულებს საკუთარი უფლებები გააცნო და ის ბრალეულობები წარმოუდგინა, რასაც მათ 2700 მეანაბრე უყენებს.
ბრალდებულებმა სასამართლოს განუცხადეს, რომ ბრალდებებს არ აღიარებენ. დაზარალებულების ადვოკატმა გიორგი ცეცხლაძემ განაცხადა, რომ მფლობელების გარდა, ბრალს გიორგი ქადაგიძეს სდებენ. მისი თქმით, პროკურატურამ გამოძიება მის წინააღმდეგაც უნდა დაიწყოს.
პროცესის დაწყებამდე ადგილზე კომპანიის დაზარალებული მოქალაქეები შეიკრიბნენ. ხალხის დიდი ნაკადის გამო, მათი სხდომაზე შესვლა ვერ მოხერხდა. საფინანსო კომპანია „საქართველოს" დირექტორი თამაზ ლობჟანიძე და ამავე კომპანიის მმართველი მერაბ ფერაძე, განსაკუთრებით დიდი ოდენობით თანხის ჯგუფურად გაფლანგვის ბრალდებით დააკავეს.