თბილისის საქალაქო სასამართლოში „საფინანსო კომპანია საქართველოს“ ხელმძღვანელების სასამართლო პროცესი იმართება.

საქალაქო სასამართლოში იმყოფებიან საფინანსო კომპანიის მიერ დაზარალებულები.

განსაკუთრებით დიდი ოდენობით თანხის ჯგუფურად გაფლანგვის ფაქტზე, შ.პ.ს „საფინანსო კომპანია საქართველოს“ დირექტორი, თამაზ ლობჟანიძე და ამავე კომპანიის ფაქტობრივი მმართველი, მერაბ ფერაძე დააკავეს.

გამოძიების ცნობით, ფინანსური ზიანი მიადგა კომპანიის 2 648 მეანაბრეს და მათ მიერ, კომპანიაში ანაბრის სახით შეტანილი თანხა ამ დრომდე დაუბრუნებელია.

ამჟამად საფინანსო კომპანიის დავალიანება მეანაბრეთა მიმართ 76 000 000 ლარს შეადგენს.