შესაძლოა მივიღოთ მედიამრავალფეროვნების დაკარგვა, რაც უდავოდ უკან გადადგმული ნაბიჯი იქნება ქვეყანაში გამოხატვისა და სიტყვის თავისუფლების მაღალი სტანდარტის შენარჩუნებისთვის, - ამის შესახებ ნათქვამია საქართველოს სახალხო დამცველის განცხადებაში
„რუსთავი 2-ის“ საქმესთან დაკავშირებით. დოკუმენტში ვკითხულობთ, რომ პირველი და სააპელაციო ინსტანციის სასამართლოების მიერ მიღებულ გადაწყვეტილებებზე „რუსთავი 2“-ის ქონების დაყადაღებასთან, ტელეკომპანიაში დროებითი მმართველების დანიშვნასა თუ სააპელაციო სასამართლოს გადაწყვეტილების ჩაბარებასთან დაკავშირებულ საკითხებზე, კანონმდებლობის მნიშვნელოვანი დარღვევები გამოიკვეთა.
განცადებაში ასევე წერია, რომ სამართლებრივი შეფასება სასამართლოს დასაბუთებული გადაწყვეტილების შემდეგ იქნება შესაძლებელი.
საკასაციო სასამართლოში საქმის ზეპირი მოსმენის გარეშე განხილვამ უარყოფითი გავლენა იქონია საზოგადოების ნდობაზე სასამართლოში მიმდინარე პროცესის მიმართ“, - ნათქვამია უჩა ნანუაშვილის განცხადებაში.