საქართველოს საგარეო საქმეთა მინისტრი მიხეილ ჯანელიძე სამუშაო ვიზიტით სტრასბურგში იმყოფება, სადაც შეხვედრებს გამართავს ევროპის საბჭოში, ევროპის საბჭოს საპარლამენტო ასამბლეაში და ადამიანის უფლებათა ევროპულ სასამართლოში.

საგარეო უწყების ინფორმაციით, სამუშაო ვიზიტის ფარგლებში მინისტრი ევროპის საბჭოს წარმომადგენლებს ინფორმაციას მიაწვდის ორგანიზაციის პრიორიტეტულ სფეროებში საქართველოს ხელისუფლების მიერ გატარებული რეფორმების შესახებ.

საუბარი ასევე შეეხება მიმდინარე და სამომავლო თანამშრომლობის საკითხებს. მინისტრის ვიზიტის ამსახველი ვიდეომასალას საგარეო უწყება ავრცელებს.