თბილისის ოლიმპიურ სასახლეში მიმდინარე საქართველოს ჩემპიონატზე თავისუფალი სტილით ჭიდაობაში დღეს ჩემპიონები დარჩენილ ოთხ წონით კატეგორიაში დღეს გამოვლინდება.
როგორც მოსალოდნელი იყო, პირველობა არავის დაუთმო ვლადიმერ ხინჩეგაშვილმა, ოლიმპიური თამაშების, მსოფლიოს და ევროპის ჩემპიონმა, წონა შეიცვალა და 61-თ კილოგრამ წონით კატეგორიაში ჩემპიონის ტიტული მოიპოვა. ლადომ ფინალში ბექა ლომთაძე დაამარცხა.
70 კილოგრამში ოქროს მედლის მფლობელი დავით ტლაშაძე გახდა. 86 კილგრამში ჩემპიონის ტიტული დავით მარსაგიშვილმა მოიპოვა. მძიმე წონაში კი გამარჯვებული ამ წუთებში გამოვლინდება.
საქართველოს ჩემპიონატის შედეგების მიხედვით, ჩამოყალიბდება საქართველოს ნაკრები, რომელიც სერბეთის ქალაქ ნოვი სადში გასამართ ევროპის ჩემპიონატზე მიიღებს მონაწილეობას.