მარტი 6, 2017
126
თბილისის ოლიმპიურ სასახლეში, დღეს, სტარტი აიღო საქართველოს ჩემპიონატმა თავისუფალი სტილით ჭიდაობაში, რომელშიც მონაწილეობას ქვეყნის ყველა უძლიერესი მოჭიდავე იღებს, მათ შორის ოლიმპიური, მსოფლიოს და ევროპის ჩემპიონი, ვლადიმერ ხინჩეგაშვილი, რომელიც ახალ წონაში, გამოვა.
დღეს, ფინალები ოთხ წონით კატეგორიაში იმართება. კვარცხლბეკის უმაღლეს საფეხურზე ოთარ გოგავა, ზურაბ იაკობიშვილი და ავთანდილ კენჭაძე ავიდნენ. 97 კილოგრამში კი ფინალური შეხვედრა ამ წუთებში მიმდინარეობს.
ხვალ, ტურნირზე, შეხვედრები დარჩენილ ოთხ წონით კატეგორიაში გაიმართება. ეროვნული ჩემპიონატის შედეგების მიხედვით, გამოვლინდება საქართველოს ნაკრების შემადგენლობა, რომელიც მაისში, სერბეთში ჩასატარებელ ევროპის ჩემპიონატზე ისპარეზებს.
მაჩვენე მეტი