ხმაური და დაპირისპირება დედაქალაქის საკრებულოსთან. სამართალდამცველებმა ადგილზე „ბავშვთა სამყაროში“ ხანძრის შედეგად დაზარალებულ მოვაჭრეებს, კარვების გაშლის საშუალება არ მისცეს.

მოვაჭრეები საპროტესტო აქციას დახმარების მოთხოვნით მართავდნენ.

დაზარალებულები მუნიციპალიტეტიდან ზარალის ანაზღაურებას მოითხოვენ. აქციის მონაწილეებს დახურულ კარს მიღმა, დღეს, „ქართული ოცნების“ დეპუტატები და საკრებულოს თავმჯდომარე შეხვდნენ.

საუბარი კონკრეტული დაპირებების გარეშე დასრულდა, თუმცა დაიგეგმა მომდევნო სამუშაო შეხვედრა.

თბილისის საკრებულოს მოვაჭრეები დაზარალებულთა სიას მომდევნო ხუთშაბათს გადასცემენ, მანამდე კი საპროტესტო აქცია გრძელდება.