„ბავშვთა სამყაროში“ გაჩენილი ხანძრის შედეგად დაზარალებულები დედაქალაქის საკრებულოს შეთავაზებას არ თანხმდებიან და პროტესტს განაგრძობენ.

დღეს, ისინი პარლამენტის შენობასთან შეიკრიბნენ. მოვაჭრეებს დაპირებული 3000-ის ნაცვლად, ერთჯერადი კომპენსაციის სახით 5000 ლარის მიღება სურთ.

დაზარალებულები საბანკო ვალდებულებების 1 წლით გადავადებასაც ითხოვენ. წინააღმდეგ შემთხვევაში, მოვაჭრეები აქციების გამართვას სხვადასხვა ქვეყნის საელჩოებთან აპირებენ.

პარლამენტთან შეკრებილებს, დღეს, პატრიოტთა ალიანსის ლიდერი, ირმა ინაშვილი შეუერთდა.