მარტი 13, 2017
222
„ბავშვთა სამყაროს“ ხანძრის შედეგად დაზარალებული მოვაჭრეები პრემიერმინისტრთან შეხვედრას და ზარალის კომპენსაციას ითხოვენ. მოვაჭრეებმა, დღეს, ამ მოთხოვნებით საპროტესტო აქცია მთავრობის ადმინისტრაციასთან გამართეს და უშუალოდ პრემიერმინისტრთან შეხვედრა მოითხოვეს.
მათი განცხადებით, „ბავშვთა სამყარო“ და მისი მიმდებარე ბაზრობა ვიღაცამ განგებ დაწვა, რომლის დროსაც, მათ დიდი ოდენობით ზარალი მიადგათ.
მოვაჭრეებს სოლიდარობას უცხადებს „ადვოკატთა ასოციაციის“ თავმჯდომარე ზაზა ხატიაშვილი, რომლის თქმით, ხვალ, 12 საათზე კანცელარიიდან მიიღებს პასუხს, შეხვდება თუ არა გიორგი კვირიკაშვილი დაზარალებულებს.
აქციის მონაწილეები კი ხვალამდე მთავრობის ადმინისტრაციასთან მშვიდობიანი აქციის გაგრძელებას გეგმავენ.
მაჩვენე მეტი