საქართველოს კანოეს ეროვნული ფედერაციის პრეზიდენტად კვლავ დავით ქაცარავა აირჩეს. არჩევნებზე განაცხადი მხოლოდ ერთ კანდიდატს ჰქონდა შეტანილი.

კენჭისყრაზე ხმის მიცემის უფლების მქონე 12 დელეგატიდან 7 გამოცხადდა. 7-ვე მათგანმა ხმა ქაცარავას სასარგებლოდ დააფიქსირა.

ქაცარავამ შემდეგი 4- წლიანი ციკლის სამოქმედო გეგმა წარმოადგინა. პრიორიტეტი ტოკიოს ოლიმპიადისთვის მზადება იქნება. ხმის მიცემა ჩატარდა ღია კენჭისყრით. დელეგატები თბილისის, ქუთაისისა და ფოთის კანოეს კლუბებს წარმოადგენენ.