ამოქმედებიდან ოთხი წლის შემდეგ, საყოველთაო ჯანდაცვის პროგრამაში ცვლილებებია.

კატეგორიების მიხედვით, მოქალაქეები სხვადასხვა პაკეტით ისარგებლებენ. პროგრამას ეთიშებიან პირები, რომელთა ყოველწლიური შემოსავალი 40 000 ლარს აჭარბებს. შეზღუდვა უწესდებათ იმ ადამიანებსაც, რომელთა წლიური ანაზღაურება 40 000 ლარს არ აღემატება. მათ კერძო და სახელმწიფო სადაზღვევო პაკეტს შორის არჩევანი უნდა გააკეთონ.

სამაგიეროდ ფართოვდება მიზნობრივი ჯგუფების დაზღვევის პროგრამა-სამედიცინო სერვისების გარდა, ისინი უფასო მედიკამენტებითაც ისარგებლებენ.