დღეს, სპორტისა და ახალგაზრდობის საქმეთა სამინისტროში, ტარიელ ხეჩიკაშვილმა, შალვა გოგოლაძესთან ერთად, ევროპის ფარიკაობის კონფედერაციის პრეზიდენტს, მრავალგზის ოლიმპიურ და მსოფლიოს ჩემპიონს, სტანისლავ პოზნიაკოვს უმასპინძლა.

სამინისტორში გამართულ შეხვედრაზე, მოახლოებულ ევროპის ჩემპიონატზე ისაუბრეს, რომელიც 11-დან 17 ივნისის ჩათვლით, თბილისში უნდა ჩატარდეს.

კონტინენტის პირველობა, ახალი თბილისის ტერიოტორიაზე მდებარე ოლიმპიური პარკის სპორტულ კომპლექსში გაიმართება და მასში მონაწილეობას 45 ქვეყნის 400-მდე მოფარიკავე მიიღებს.

საქართველოს ნაკრები ტურნირზე 24 სპორტსმენით წარსდგება. მედლების კომპლექტები, როგორც ინდივიდუალურ, ასევე გუნდურ სახეობებშიც გათამაშდება-ხმალი, დაშნა და რაპირა.

დღესვე, სახელოვანი ვეტერანი მოფარიკავე, მსოფლიოს ჩემპიონ რაპირით ფარიკაობაში და არაერთი საერთაშორისო ტურნირის გამარჯვებული და პრიზიორი იური ოსიპოვი, სპორტის სამინისტროს წარდგინებით, ღირსების ორდენით დაჯილდოვდა.

საქართველოს ფარიკაობის ფედერაციის საპატიო პრეზიდენტს და საერთაშორისო კატეგორიის მსაჯს 80 წელი შეუსრულდა