სპორტისა და ახალგაზრდობის საქმეთა მინისტრმა, ტარიელ ხეჩიკაშვილმა, დღეს, ქართული სპორტის მუზეუმში, ევროპის საჭადრაკო ინდივიდუალური ჩემპიონატის გამარჯვებულს, ნანა ძაგნიძეს უმასპინძლა.

ქართველმა დიდოსტატმა კონტინენტის ჩემპიონობისთვის განკუთვნილი თასი და კარიერაში მოპოვებული სხვა ჯილდოები და მედლები სპორტის მუზეუმს დროებით გადასცა.

შეგახსენებთ, რომ ძაგნიძემ ლატვიაში გამართულ ევროპის ინდივიდუალურ ჩემპიონატზე, რომელშიც 33 ქვეყნის 144 მოჭადრაკე მონაწილეობდა, 11 ტურში 8,5 ქულა მოაგროვა და შეჯიბრის ტრიუმფატორი გახდა.

ძაგნიძე პირველი ქართველი ქალი მოჭადრაკეა, რომელმაც კონტინენტის ჩემპიონის ტიტული მოიგო.