ბათუმში 11-12 მარტს განვითარებულ მოვლენებთან დაკავშირებით აღძრულ სისხლის სამართლის საქმეზე, კიდევ 8 პირი დააკავეს, ამის შესახებ საზოგადოებრივს შინაგან საქმეთა სამინისტროდან აცნობეს.

შსს-ს ინფორმაციით რვავე მათგანი ​სისხლის სამართლის კოდექსის 353–ე პრიმა (წინააღმდეგობა, მუქარა ან ძალადობა საზოგადოებრივი წესრიგის დამცველის ან ხელისუფლების სხვა წარმომამდგენლის მიმართ) და 225–ე მუხლებით (ჯგუფური ძალადობის ორგანიზება, ხელმძღვანელობა ან მასში მონაწილეობა) დააკავეს.

როგორც უწყებაში განმარტავენ, გამოძიება გრძელდება, მიმდინარეობს სხვა პირთა იდენტიფიცირება და მტკიცებულებების შეგროვება.