ბათუმის 11-12 მარტის მოვლენებთან დაკავშირებით დაკავებულ ოთხ პირს პროკურატურა საპროცესო შეთანხმებას გაუფორმებს, - ამის შესახებ დაკავებული მინდია ბერიძის ადვოკატმა, დავით ჯაფარიძემ განაცხდადა. მისი დაცვის ქვეშ მყოფს საპროცესო შეთანხმება ერთწლიანი პატიმრობის პირობით გაუფორმდება.

„ჩემი ინფორმაციით, 4 პირთან გაფორმდება საპროცესო შეთანხმება.თუმცა, ვისთან და რა პირობით ამის შესახებ ჯერ ვერაფერს გეტყვით. დანამდვილებით შემიძლია ვთქვა, რომ ჩემი დაცვის ქვეშ მყოფ მინდია ბერიძესთან საპროცესო შეთანხმება მიღწეულია. მას ერთწლიანი პატიმრობა გაუფორმდება. ასევე ვიცი, რომ დაკავებულ ქენქაძეს 6 თვიან პატიმრობაზე შეუთანხმდნენ. როგორც აღმოჩნდა, ეს პირი აქციაზე არც კი იმყოფებოდა", - განაცხადა დავით ჯაფარიძემ.

ბათუმის მოვლენებზე დაკავებული პირების პროცესი ბათუმის საქალაქო სასამართლოში 14:00 საათზე განახლდება. ამ საქმესთან დაკავშრებით, წინასწარ პატიმრობაში 20 პირი იმყოფება.