საქართველოში ძლიერი ქარია. სტიქიის პირველი ნიშნები ქალაქ გორში დაფიქსირდა. გორში სახურავი გადაეხადა აღმაშენებლის გზატკეცილზე მდებარე კერძო სახლს და შინდისის გზატკეცილზე მდებარე საწარმოს.
გორის შემდეგ სტიქია თბილისშიც დაფიქსირდა. თბილისში ძლიერი ქარის გამო საგანგებო სიტუაციების მართვის სააგენტოში რამდენიმე გამოძახება შევიდა. ასევე, დიღომში, „გუდვილთან“ ავტომობილს ხე დაეცა.
თბილისში ძლიერმა ქარმა ფილარმონიის მიმდებარე ტერიტორიაზე სარეკლამო ბანერი ჩამოაგდო.
თბილისის შემდეგ ქარი ქალაქ რუსთავშიც დაფიქსირდა. რუსთავში სპორტის 2 ნომერში ძლიერმა ქარმა ხე წააქცია და გზა ჩახერგა. ასევე, როგორც ცნობილია, საგანგებო სიტუაციების მართვის სამსახურში სახურავების ახდის შესახებ 8 ზარი შევიდა. ყველაზე მძიმე მდგომარეობა მაიაკოვსკის 26 ნომერშია, სადაც ქარმა კორპუსს სახურავი მთლიანად ახადა.