ბრაზილიის ხელისუფლებამ, ვადაგასული ხორცით ვაჭრობის მასშტაბური სქემა გაშიფრა.
„ბი-ბი-სის“ ინფორმაციით, ქვეყანაში 30-ზე მეტი მაღალჩინოსანი გადააყენეს და ხორცის გადამამუშავებელი სამი ქარხანა დახურეს. გამოძიების ინფორმაციით, მსოფლიოში საქონლის ხორცის უმსხვილესი ექსპორტიორის "ჯეი-ბი-ეს"-ისა და ფრინველის ხორცის უმსხვილესი ექსპორტიორი "ბი-არ-ეფ"-ის მენეჯერები სანიტარულ ინსპექტორებს ქრთამს აძლევდნენ და პროდუქციაზე ყალბ სერტიფიკატებს იღებდნენ.
ირკვევა, რომ მწარმოებლები იყენებდნენ ქიმიკატებს, რათა ხორცის უხარისხობა დაემალათ. ხორცის სკანდალის გამო ევროკავშირი და ჩინეთი, ბრაზილიიდან ხორცის იმპორტს აჩერებს, შეერთებული შტატები იმპორტირებული ხორცის ხარისხის ინსპექტირებას იწყებს. შეზღუდვები დააწესა ბრაზილიური ხორცის იმპორტზე სამხრეთ კორეამ და ჩილემაც. რა ღონისძიებების გატარებას აპირებს საქართველო, სადაც სკანდალში გახვეული კომპანიის "ბი-არ-ეფ"-ის მიერ წარმოებული "სადია" და "პერდიგო" წლებია, ბაზარზე უპრობლემოდ იყიდება.
სტუმარი: ვახტანგ ლაშქარაძე - ფინანსთა სამინისტროს შემოსავლების სამსახურის უფროსის მოადგილე.