საკონსტიტუციო სასამართლოში ორი არასამთავრობო ორგანიზაციის : „ინფორმაციის თავისუფლების განვითარების ინსტიტუტისა“ და „მედიის განვითარების ფონდის“ კონსტიტუციურ სარჩელებზე საქმის არსებითი განხილვა გრძელდება.
მოსარჩელე კონსტიტუციასთან შეუსაბამოდ მიიჩნევს ადმინისტრაციული კოდექსისა და პერსონალურ მონაცემთა დაცვის შესახებ კანონის იმ მუხლებს, რომლის მიხედვითაც, საერთო სასამართლოებში ღია პროცესებზე მიღებული გადაწყვეტილებები დაინტერესებულ მხარეებს პერსონალური მონაცემების დაფარვით მიეწოდება, რაც არასამთავრობო ორგანიზაციების მოსაზრებით ეწინააღმდეგება კონსტიტუციით გარანტირებულ ინფორმაციის თავისფლად მიღების უფლებას, რადგან, მათი აზრით, საჯარო სხდომაზე ისედაც ხდება ყველა პერსონალური მონაცემის ღია განხილვა და აზრს მოკლებულია იმ ინფორმაციის დამალვა, რომელიც უკვე საჯაროდ გაჟღერდა.
დღეს პერსონალურ მონაცემთა დაცვის ინსპექტორის აპარატის წარმომადგენელსაც მოუსმენენ .