საკონსტიტუციო სასამართლოში მოსმენების კანონთან დაკავშირებული სარჩელების განხილვა პერსონალურ მონაცემთა დაცვის ინსპექტორის მოსმენით წარიმართა.

თამარ ქალდანს სასამართლოს პლენუმი გუშინ სამი საათის განმავლობაში უსმენდა, ამჯერად მან მხარეების შეკითხვებს უპასუხა.

რამდენად ეფექტურია მოსმენების ახალი კანონის მოქმედების პირობებში ინსპექტორის კონტროლის მექანიზმი- ეს იყო მთავარი საკითხი, რის გარშემოც პროცესზე მსჯელობა მიმდინარეობდა.

თამარ ქალდანმა აღნიშნა, რომ კანონმდებლობა საშუალებას გვაძლევს როგორც ელექტრონულად ისე სტანდარტულად მოხდეს ტექნიკური მხარის შემოწმება.

მოსარჩელე მხარე ირწმუნება, რომ აღნიშნულ საკითხზე კონტროლის მექანიზმი შემცირებულია.