უკვე მე-2 დღეა საკონსტიტუციო სასამართლოში ე.წ. მოსმენების კანონთან დაკავშირებით შესული საჩივრების განხილვა გრძელდება.
სახალხო დამცველთან ერთად, არსებული რეგულაციების ანტიკონსტიტუციურდ ცნობას 326 მოსარჩელე ითხოვეს.
სასამართლოს პლენუმი სამი საათის განმავლობაში მხარეებს შეკითხვებს უსვამდა. დილიდან დარბაზში სახელმწიფო უსფრთხოების სამსახურისა და ოპერატიულ-ტექნიკური სააგენტოს წარმომადგენლებიც იმყოფებიან, რომლებიც სასამართლოზე მოწმის სტატუსით დაიბარეს. მათ მოსაზრებებს მოსამართლეები დღესვე გაეცნობიან.
უკვე მეორე დღეა განმწესრიგებელ სხდომაზე დავის საგანს ოპერატიულ-ტექნიკური სააგენტოს დამოუკიდებლობის ხარისხი წარმოადგენს. მოსარჩელე მხარე მიიჩნევს, რომ პარლამენტის მიერ მიღებული ახალი კანონით არაფერი შეიცვალა, დეპარტამენტი სააგენტოდ გადაკეთდა და ისევ დარჩა სახელმწიფო უსაფრთხოების სამსახურის დაქვემდებარებაში,
პარლამენტის წარმომადგენლები კი ამტკიცებენ, რომ ახალი კანონის შესაბამისად სააგენტოს დამოუკიდებლობა გარანტირებულია და ის არ ექვემდებარება სუსს, ამდენად, მათი შეფასებით, უსაფრთხოების სამსახური არ ფლობს ე.წ მოსმენების გასაღებს, რაც საკონსტიტუციო სასამართლომ ერთი წლის წინ არაკონსტიტუციურ რეგულაციად გამოაცხადა.