საკონსტიტუციო სასამართლოში ე.წ მოსმენების კანონთან დაკავშირებით განმწესრიგებელი სხდომა გაიმართა.
პლენუმი 326 მოქალაქის, მათ შორის სახალხო დამცველის სარჩელს განიხილავს. მოსარჩელეები კანონში სადავო ნორმების გაუქმებას ითხოვენ. მათ პოზიციას იზიარებს პრეზიდენტი, რომელმაც კანონს ვეტო სამჯერ დაადო და სასამართლოს წერილობითაც მიმართა. უგულვებელყო თუ არა პარლამენტმა ე.წ მოსმენების შესახებ ახალი კანონის მიღებით საკონსტიტუციო სასამართლოს 2016 წლის 14 აპრილის გადაწყვეტილება, რომლითაც სუს-ის დაქვემდებარებული დეპარტამენტის მიერ ე.წ მოსმენების გასაღების ფლობა ანტიკონსტიტუციურად იქნა ცნობილი, - სწორედ ეს არის დღევანდელი დავის ძირითადი საგანი.
საკონსტიტუციო სასამართლოში სარჩელების წარდგენა კამპანია ეს შენ გეხებას წარმომადგენლებმა უზრუნველყვეს.