გაეროში საქართველოს მხარდამჭერი რეზოლუცია დამტკიცდა.ეს არის პირველი შემთხვევა, როდესაც საქართველოს შესახებ მომზადებული რეზოლუციის პროექტი ადამიანის უფლებებზე პასუხისმგებელმა გაეროს ორგანომ მიიღო.
ადამინის უფლებათა საბჭომ დაამტკიცა პროექტი, რომელშიც კიდევ ერთხელ ადასტურებს პატივისცემას საქართველოს ტერიტორიული მთლიანობის და სუვერენიტეტის მიმართ.
დოკუმენტში აღიარებულია მთავრობის ძალისხმევა დემოკრატიის, კანონის უზენაესობის და ადაიანის უფლებათა განმტკიცების კუთხით. ასევე გამოთქმულია სერიოზული შეშფოთება საქართველოს ოკუპირებულ რეგიონებში ადამიანის უფლებების და ჰუმანიტარული ვითარების გამო.
აქცნტია გაკეთებული ადამიანთა გახშირებული გატაცებების და თავისუფალი გადაადგილების უფლების დარღვევის გამოც.
სწორედ ამ რეზოლუციის პროექტის გამო, მწვავე გზავნილები ისმის მოსკოვიდან. რუსეთის საგარეო უწყება ოფიციალურ თბილისს ჟენევის მოლაპარაკებათა მოახლოებული რაუნდის საბოტაჟის მცდელობაში ადანაშაულებს.
მიზეზად გაეროს ადამიანის უფლებათა საბჭოს 34-ე სესიაზე საქართველოს მიერ გატანილი რეზოლუციის პროექტი სახელდება, რომელსაც ლავროვის უწყება პოლიტიზიებულ დოკუმენტად აფასებს.