მსოფლიო ჩემპიონატის საკვალიფიკაციო მატჩები გაიმართა, გუშინ, ევროპული ზონის რამდენიმე ჯგუფში.

კვლავ უდანაკარგოა მოქმედი ჩემპიონი გერმანიის ნაკრები. ბუნდესტიმმა ბაქოში აზერბაიჯანის ნაკრები დამაჯრებლად, ანგარიშით 4-1 დაამარცხა.

სტუმრები მე-19 წუთზე ანდრე შიურლემ დააწინაურა, რასაც აზერბაიჯანელთა გოლი მელევე მოყვა. თავი ნაზაროვმა გამოიჩინა, თუმცა იოახიმ ლიოვის გუნდმა, პირველივე ტაიმში კიდევ ორჯერ აიღო მეტოქის კარი. შიურლეს პასით, ანგარიში 2-1, ტომას მიულერმა გახადა, ხოლო 45-ე წუთზე მარიო გომესმა გერმანელების ორბურთიანი ჰანდიკაპი დააფიქსირა.

შეხვედრის მეორე ნახევარში, კიდევ ერთი გოლი გავიდა. მისი ავტორი ანდრე შიურლე გახლავთ, რომელმაც დუბლი გაიფორმა.

გერმანიის ნაკრები, ხუთიდან ხუთი გამარჯვებით ჯგუფის ერთპიროვნული ლიდერია. დამაჯრებელ თამაშს განაგრძობს, „ეფ” ჯგუფში ინგლისის ეროვნული გუნდი.

ბრიტანელებმა უემბლიზე ლიტვის ნაკრები მიიღეს და 2-0 დაამარცხეს. 22-ე წუთზე ანგარიში, ჯერმენი დეფომ გახსნა, რასაც მეორე ტაიმში, ერთი გოლი ჯეიმი ვარდიმაც დაუმატა და თამაშის საფინალო შედეგი დააფიქსირა.

ინგლისი 13 ქულით ჯგუფში პირველ ადგილზეა. გარეთ საუთგეიტის გუნდი, მორიგ ტურში სტუმრად ბრიტანულ დერბიში, შოტლანდიას დაუპირისპირდება