„რაგბი ევროპის ჩემპიონატის" მესამე ტურის მატჩები გაიმართა.

საქართველოს მორაგბეთა ნაკრები ესპანეთს ესტუმრა და დაძაბულ ბრძოლაში დაამარცხა. პირველი ტაიმი ესპანელებმა მოიგეს - 10:3.

მეორე ტაიმის პირველ წუთებში მსაჯმა "ბორჯღალოსნებს" ზედიზედ ორი ლელო არ ჩაუთვალა. საქართველოს ნაკრებმა ბოლომდე იბრძოლა და გიორგი თხილაიშვილის და იოსებ მათიაშვილის ლელოებითა და მერაბ კვირიკაშვილის გარდასახვებით 20:10 მოიგო.

საქართველოს მორაგბეთა ნაკრები "რაგბი ევროპის ჩემპიონატზე" მომდევნო შეხვედრას 12 მარტს, თბილისში, რუსეთთან გამართავს.