საერთაშორისო სარეიტინგო კომპანია "ფიჩმა", საქართველოს სუვერენული რეიტინგი "ბი-ბი-მინუს" დონეზე დაუდასტურა, პროგნოზით "სტაბილური". სააგენტო აცხადებს, რომ რეიტინგის განსაზღვრისას, გათვალისწინებული იქნა სუსტი საგარეო ფინანსური მაჩვენებლები, მათ შორის მიმდინარე ანგარიშის დეფიციტი, საგარეო ვალის მაღალი დონე და ეკონომიკური მდგრადობა.

სააგნეტო მიიჩნევს, რომ ქვეყანაში ფინანსურ შოკებს საბანკო სექტორში არსებული სტაბილურობა აბალანსებს და 2017 წლის პერსპექტივები უკეთესობისკენაა. უკეთესი პერსპექტივები სავაჭრო პარტნიორ ქვეყნებში სიტუაციის გამოსწორებისა და ინფრასტრუქტურულ პროექტებში პირდაპირი უცხოური ინვესტიციების დამსახურება იქნება.