თორნიკე შენგელიას 21 ქულა, 9 მოხსნა და ბასკონიას გამარჯვება ესპანეთის საკალათბურთო ჩემპიონატში.

ქართველმა ფორვარდმა ესტუდიანტესთან მოგებულ შეხვედრაში თავის გუნდს ულიდერა და რამდენიმე ეფექტური ტყორცნითაც გამოიჩინა თავი.

ბასკებმა გადამწყვეტ უპირატესობას თამაშის მეორე მეოთხედში მიაღწიეს, როდესაც მეტოქეს 14 ქულით გაექცნენ.

საბოლოოდ, 76-70 სტუმართა მნიშვნელოვანი გამარჯვება. ბასკონიამ ამ წარმატების შემდეგ, ლიგა ენდეზაში მეხუთე ადგილზე გადაინაცვლა.

სიტო ალონსოს გუნდი მორიგ შეხვედრას საკუთარ დარბაზში რეალ ბეტისის წინააღმდეგ ჩაატარებს.