თბილისის მოდის კვირეულის ახალი სეზონი 19 აპრილს იწყება, ამის შესახებ ორგანიზატორებმა დღეს გამართულ პრესკონფერენციაზე განაცხადეს. რიგით მე-15 კვირეული 5 დღეს გაგრძელდება.

თბილისის მოდის კვირეული ტრადიციას ამკვიდრებს და გახსნის დღეს სცენას ქართული კულტურისა და ხელოვნების ლეგენდებს დაუთმობს.

თბილისის მოდის კვირეულის ოფიციალური პროგრამის მიხედვით, შემოდგომა/ზამთარი 2017 წლის სეზონზე, კიდევ უფრო მეტი ახალგაზრდა დიზაინერის ჩვენებაა დაგეგმილი.

კვირეულს კვლავ ესტუმრება ცნობილი უკრაინელი დიზაინერი Lara Quint და ლონდონში დაფუძნებული ბრენდი ZDDZ, რომლის ჩვენებები მსოფლიოს არაერთი კვირეულის პროგრამაში გვხდება.

თბილისის მოდის კვირეულს დაესწრებიან საერთაშორისო გამოცემების წარმომადგენლები.