ამბობენ, რომ საქართველომ მსოფლიო მოდის სფეროში სახელი ამაყად დაიმკვიდრა. რატომაც არა, როდესაც არაერთი ქართველი დიზაინერი მსოფლიო მოდის სივრცეში მთავარ პერსონებს წარმოადგენენ. ამ ყველაფერს ისიც ადასტურებს, რომ თბილისის მოდის კვირეული მე-17 სეზონს იწყებს. კვირეული 19-დან 22 აპრილის ჩათვლით გაიმართება, შემოდგომა-ზამთრის სეზონის კოლექციების ჩვენებებს, შოურუმს და სხვა ღონისძიებებს კი თბილისის ბალნეოლოგიური კურორტი უმასპინძლებს. კვირეულის 4 დღიანი პროგრამა 20-მდე ღონისძიებას მოიცავს, რომელთა შორისაა ქართველი და უცხოელი დიზაინერების ჩვენებები. რაც შეეხება გახსნის დღეს. როგორც იცით, კვირეულმა ტრადიცია დაამკვიდრა და სწორედ გახსნის დღეს ქართული კულტურისა და ხელოვნების ლეგენდებს უთმობს. არც ეს წელი იქნება გამონაკლისი და სოლო პროექტს "მედეა ჯაფარიძე - Style icon" წარმოადგენს, რომელიც თბილისის მოსწავლე ახალგაზრდობის ეროვნული სასახლის ბაღში ჩატარდება.
________________________
Official Site - http://www.musicbox.ge/
MyVideo - http://www.myvideo.ge/?user_id=921478
Facebook - https://www.facebook.com/MusicBoxGeorgia
Twitter - https://twitter.com/#!/musicboxge
#MusicBox #News #სიახლეები