29 მარტი, 2017
•საქართველოს ოკუპირებული რეგიონების საკითხი განიხილეს გაეროში, უშიშროების საბჭოს დახურულ სხდომაზე.

•დღეს გაიმართება ჟენევის საერთაშორისო მოლაპარაკებების რიგით 39-ე რაუნდის ფორმალური შეხვედრა.

•ხვალ ოკუპირებული სამხრეთ ოსეთის დე-ფაქტო თადაცვის მინისტრი და რუსეთის თავდაცვის მინისტრი შეთანხმებას მოაწერენ ხელს, რომელიც რუსეთის შეიარაღებულ ძალებში ე.წ. სამხრეთ ოსეთის ცალკეული დანაყოფების შესვლას ითვალისწინებს.

•კიდევ ერთი ნაბიჯი საქართველოს ტერიტორიების ანექსიისკენ.

•ევროპის საბჭოს საპარლამენტო ასამბლეის მონიტორინგის კომიტეტის წევრების ვიზიტი საქართველოში გრძელდება.

•ნაძარცვი ქონების გადანაწილებისა და თანამშრომლების გამოყენებით დანაშაულებრივი ქმედებების გათეთრების მცდელობა - ასე ეხმაურებიან რუსთავი ორის გარშემო მიმდინარე პროცესებს ტელეკომპანიის დამფუძნებლები დავით დვალი და ჯარჯი აქიმიძე.

•დეკანოზ გიორგი მამალაძის ადვოკატები საქალაქო სასამართლოს გადაწყვეტილებას გაასაჩივრებენ.

•რუსთავში მომხდარი აფეთქების შედეგად დაშავებულების ჯანმრთელობის მდგომარეობა მძიმეა.

•ავტოსაგზაო შემთხვევის შედეგად 5 პირი დაშავდა, მათ შორის ერთი არასრულწლოვანია. დაშავებულები სასწრაფო სამედიცინო დახმარების ბრიგადით ინგოროყვას სახელობის კლინიკაში გადაიყვანეს.

•ლატვიის პრეზიდენტის და პირველი ლედის პატივსაცემად საქართველოს პრეზიდენტის სასახლეში ოფიციალური სადილი გაიმართა.

•,,საკონსტიტუციო რეფორმა საქართველოში”- საკითხზე დღეს საერთაშორისო კონფერენცია გაიმართება.

•ერთიანი ეროვნული გამოცდებისთვის რეგისტრაციის ძირითადი ეტაპი 31 მარტს 18:00 საათზე დასრულდება.

•დიდი ბრიტანეთის პრემიერ-მინისტრმა ტერეზა მეიმ, ლისაბონის 50-ე მუხლის ამოქმედების შესახებ ოფიციალურ წერილს ხელი მოაწერა.

•შოტლანდია დიდი ბრიტანეთისგან გამოყოფის შესახებ მეორე რეფერენდუმს გამართავს.

•შეერთებული შტატების სენატმა ნატოს გაფართოების შესახებ შეთანხმების რატიფიცირება და ალიანსში მონტენეგროს გაწევრიანებაზე კენჭისყრა ჩაატარა. ჩრდილო-ატლანტიკურ ალიანსში მონტენეგროს შესვლას 97-მა სენატორმა ორის წინააღმდეგ დაუჭირა მხარი.

•საფრნაგეთის პროკურატურამ პრეზიდენტობის რესპუბლიკელი კანდიდატის, ფრანსუა ფიონის მეუღლეს, პენელოპე ფიონს კორუფციული გარიგებისთვის ოფიციალურად წაუყენა ბრალი.

•ავსტრალიის ჩრდილო-აღმოსავლეთ სანაპირო ციკლონ დების გადავლის შემდეგ დატბორვის საშიშროების წინაშეა.

•ეროვნულ საშენ მეურნეობაში ესპანური კომპანია „ლა ენსინა გრუპის“ წარმომადგენლები ურბანული გამწვანებისა და დეკორატიული ხე-მცენარეთა ფორმირების თანამედროვე მიდგომებთან დაკავშირებით სპეციალისტებს ტრენინგს უტარებენ.