კიდევ ორი ნახევარფინალისტის ვინაობა გამოვლინდა მაიამის მასტერსის ტურნირზე. როჯერ ფედერერმა მთლიანად შეჯიბრზე პირველი სეტი წააგო. ტომაშ ბერდიხთან შეხვედრაში.

საწყის პარტიაში ფედერერმა 2 ბრეიკი შეასრულა და 6:2 მოიგო, მეორე კი 3:6 დათმო. გადამწყვეტ სეტში, ბერდიხი 5:3-ს იგებდა და მატჩზე აწვდიდა, თუმცა საკუთარი მოწოდება 0-ზე დათმო საბოლოოდ საქმე ტაიბრეიკამდე მივიდა, სადაც ჩეხ ჩოგბურთელს ორი მატჩ-ბოლი ჰქონდა, მაგრამ ფედერერმა ზედიზედ 4 გათამაშება მოიგო და ნახევარფინალში გავიდა.

როჯერის მომდევნო მეტოქე, ავსტრალიელი ნიკ კირგიოსი იქნება, რომელმაც დღეს გერმანიის წარმომადგენელი ალექსანდრ ზვერევი სამ სეტში 6:4 6:7 6:3 დაამარცხა.

აღსანიშნავია, რომ კირგიოსმა 19 წლის ზვერევს ზედიზედ მეოთხე შეხვედრა მოუგო. მეორე ნახევარფინალში ესპანელი რაფაელ ნადალი იტალიელ ფაბიო ფონინის შეხვდება.