მონტე კარლოში მიმდინარე მასტერსის სერიის საჩოგბურთო ტურნირზე გუშინ ორი სენსაცია დაფიქსირდა. შეჯიბრს, ენდი მარი და სტენ ვავრინკა გამოეთიშნენ.

ვავრინკამ ურუგვაელ პაბლო კუევასთან წააგო. ხოლო მსოფლიოს პირველმა ჩოგანმა ენდი მარიმ რეიტინგის 24-ე ნომერთან, ესპანელ ალეხანდრო რამოსთან სამ სეტში დათმო მატჩი.

თამაშის საფინალო ანგარიშია 2-6 6-2 7-6 რამოსის სასარგებლოდ.

სამაგიეროდ დამაჯერებელ თამაშს განაგრძობს, რაფაელ ნადალი. ესპანელმა უშანსოდ დაამარცხა გერმანიის წარმომადგენელი ალექსანდრ ზვერევი. რაფამ მეტოქეს ორივე სეტში მხოლოდ თითო გაიმი დაუთმო და საბოლოოდ 6-1 6-1 გაანადგურა. ნადალის მოწინააღმდეგე მეოთხედფინალში, არგენტინელი დიეგო შვარცმანი იქნება