საგარეო საქმეთა სამინისტრო, ოკუპირებული ცხინვალის რეგიონის, უკანონო სამხედრო დაჯგუფებების, რუსეთის ფედერაციის შეიარაღებული ძალების შემადგენლობაში შესვლის თაობაზე ე.წ. შეთანხმებას ეხმაურება.
უწყება რუსეთის ფედერაციას პროვოკაციული ქმედებების შეწყვეტისა და ცეცხლის შეწყვეტის შესახებ შეთანხმების დაცვისკენ მოუწოდებს.
საგარეო საქმეთა სამინისტრო საერთაშორისო თანამეგობრობას რუსეთის აგრესიული ქმედებების შეფასებისა და სათანადო რეაგირების თხოვნით მიმართავს და ე. წ. შეთანხმების გაფორმებას აფხაზეთისა და ცხინვალის რეგიონების ფაქტობრივი ანექსიის პროცესის გაგრძელებად ააფსებს.
უწყებაში მიიჩნევენ, რომ ამ ქმედებით რუსეთი ზიანს აყენებს ჟენევის საერთაშორისო მოლაპარაკებს და ხელს უშლის სამშვიდობო პროცესში რაიმე პროგრესის მიღწევას.