28 მარტი საქართველოს მოქალაქეებისთვის ევროკავშირთან სავიზო რეჟიმის გაუქმების ისტორიული დღეა.

ისტორიული დღეა 29 მარტიც, ოღონდ ამ შემთხვევაში ევროპელებისთვის და არა როგორც დაახლოების, არამედ პირიქით, როგორც განშორების.

სწორედ 29 მარტიდან აიღო ოფიციალური სტარტი ბრექსიტმა. დიდი ბრიტანეთი რეფერენდუმში მონაწილე მოქალაქეების 51 პროცენტის გადაწყვეტილებით, ევროგაერთიანებას ტოვებს.

პროცესს დაახლოებით ორი წელი დაჭირდება, მანამდე კი მოლაპარაკება გრძელდება, შეთანხმების ერთ-ერთი მთავარი საკითხი ოფიციალური ლონდონის მიერ გადასახდელი 90 მილიარდი ევროა. თუმცა, ბრიუსელთან ურთიერთობის პარალელურად, ინგლისს შოტლანდიის დარწმუნებაც მოუწევს, რომ გაერთიანებული სამეფოს შემადგენლობაში დარჩეს.