ვისურვებდი, რომ პრეზიდენტის გამოსვლა ყოფილიყო უფრო მრავლისმომცველი, უფრო ღრმა და უფრო ობიექტური, - ამის შესახებ საქართველოს პრემიერ-მინისტრმა გიორგი კვირიკაშვილმა პრეზიდენტის ყოველწლიურ გამოსვლაზე კომენტირებისას განაცხადა.
როგორც გიორგი კვირიკაშვილმა აღნიშნა, პრეზიდენტმა წარმოადგინა საკუთარი შეხედულებები ქვეყანაში მიმდინარე მოვლენებთან დაკავშირებით.
„ეს იყო ყოველწლიური ტრადიციული გამოსვლა პრეზიდენტის, სადაც პრეზიდენტმა წარმოადგინა საკუთარი შეხედულებები მიმდინარე მოვლენების შესახებ. შემიძლია გითხრათ, რომ მთელი რიგი მიმართულებები, როგორც არის სასამართლო ეკონომიკური განვითარება დემოკრატიული ინსტიტუციების განვითარება ქვეყანაში, არა მხოლოდ ჩვენი აზრით, არამედ ჩვენი მეგობრების აზრით საერთაშორისო პარტნიორების აზრით, არის შესამჩნევი პროგრესი. ვისურვებდი, რომ პრეზიდენტის გამოსვლა ყოფილიყო უფრო მრავლისმომცველი უფრო ღრმა და უფრო ობიექტური“, - განაცხადა გიორგი კვირიკაშვილმა.