#ენმ #პოლიტიკა

საზოგადოებას ძალიან კარგად ახსოვს ბათუმის მოვლენების შემდეგ (ერთ ერთი დაკავებულის სასამართლო პროცესზე) პატრულ - ინსპექტორის, გია ხალვაშის განცხადება, რომლითაც ფაქტიურად დადასტურდა სუსსა და საპატრულო პოლიციას შორის დაპირისპირების ფაქტი.

ჩვენ იმთავითვე გამოვთქვამდით ეჭვს რომ ხელისუფლება დაიწყებდა ამ პოლიციელის შევიწროებას. სამწუხაროდ ჩვენი ეჭვები გამართლდა და გუშინ პატრულ - ინსპექტორი გია ხალვაში სამსახურიდან გაათავისუფლეს.

ეს არის ნათელი მაგალითი იმისა, თუ როგორ ექცევა ჩვენი ხელისუფლება პოლიციელებს და დღითიდღე სულ უფრო და უფრო როგორ ახდენს ამ ინსტიტუტის დისკრედიტაციას.

მოვუწოდებთ შინაგან საქმეთა მინისტრს:

1. პატივი სცეს შრომისმოყვარე და პატიოსან პოლიციელებს რადგანაც არ შეიძლება პოლიციელს მოექცე როგორც ბალასტს.

2. შეწყვიტოს კანონმორჩილი პოლიციელების დევნა.

3. ვინაიდან მაღალი ალბათობით გია ხალვაში გახლავთ სუსსა და საპატრულო პოლიციას შორის დაპირისპირების მსხვერპლი, აუცილებელია მისი გათავისუფლების ფაქტი გახდეს საჯარო და საზოგადოებას მიეწოდოს ზუსტი ინფორმაცია თუ რის საფუძველზე გაათავისუფლეს გია ხალვაში.