"ენ-ბი-ეის" მიმდინარე რეგულარული სეზონის დასრულებამდე, ერთი ტურია დარჩენილი. დასავლეთ კონფერენციაში რვავე მეოთხედფინალისტი გამოვლენილია.

სეზონის საუკეთესო გუნდმა "გოლდენ სტეიტ უორიორზმა" დღეს დილით საკუთარ ორეკლ არენაზე "იუტა ჯაზთან" წააგო, ანგარიშით 99-105. ზაზა ფაჩულიამ, ძირითადში 25 წუთი ითამაშა და გუნდს, 8 ქულა 6 მოხსნა და 3 პასი შესძინა.

გამარჯვებულ ჯაზმენებში საუკეთესო შედეგი, 20 ქულა, ჯორჯ ჰილს ჰქონდა. "იუტა" სეზონს მეხუთე ადგილზე ასრულებს და პლეიოფში "ლოს ანჯელეს კლიპერსთან" გაარკვევს ურთიერთობას.

"გოლდენ სტეიტის" მეტოქე კი "პორტლენდ ტრეილ ბლეიზერსი" იქნება, რომელმაც უკვე გაინაღდა მერვე ადგილი. პლეი-ოფი 15 აპრილს დაიწყება