8-დან 20 აგვისტოს ჩათვლით, თბილისი ხელბურთში ჭაბუკთა შორის მსოფლიოს ჩემპიონატს უმასპინძლებს.

ამასთან დაკავშირებით, გუშინ, საქართველოში ჩვენს დედაქალაქში, საინსპექციო ვიზიტით საერთაშორისო ხელბურთის ფედერაციის დელეგაცია ჩამოვიდა.

მეორე ვიზიტის მიზანი, სათამაშო მოედნების კიდევ ერთხელ დათვალიერებაა. სტუმრებს შეხვედრები აქვთ საქართველოს ოლიმპიური კომიტეტის და სპორტის სამინისტროს ხელმძღვანელებთან.

შეგახსენებთ, რომ საქართველომ ჭაბუკთა მსოფლიო ჩემპიონატის მასპინძლობის უფლება 2013 წელს მოიპოვა.

შეჯიბრის მონაწილე 24 ნაკრებიდან 19-ის ვინაობა უკვე ცნობილია, დარჩენილ ხუთ ნაკრებს კი ამერიკის შესარჩევი ეტაპი გამოავლენს.

აგვისტოში, თბილისში გასამართ მსოფლიოს ჩემპიონატზე 92 მატჩი ჩატარდება. საქართველოს 500-ზე მეტი სპორტსმენი და 100-მდე ოფიციალური პირი ეწვევა.