22 და 23 აპრილს, ძიუდოს აკადემიაში, 21 და 23 წლამდე სპორტსმენთა შორის სუმოში ევროპის ჩემპიონატი გაიმართება. ამასთან დაკავშირებით, დღეს, სპორტის მინისტრმა ტარიელ ხეჩიკაშვილმა სამინტროში ევროპის სუმოს ფედერაციის პრეზიდენტს, დარიუშ როზუმს და გენერალურ მდივანს, რიხო რანიკამას უმასპინძლა.

მხარეებმა მოახლოებულ ტურნირზე ისაუბრეს, რომელშიც მონაწილეობას 13 ქვეყნის 290 სუმოისტი მიიღებს.

წინასწარი შეხვედრები დილის 9 საათიდან დაიწყება. 14 საათზე ჩემპიონატის გახსნის ცერემონიალი შედგება.

ფინალური ბლოკის ორთაბრძოლები კი სტარტს 15 საათიდან აიღებს. კვირას ასევე ჩატარდება გუნდური შეჯიბრება, როგორც ვაჟთა, ასევე ქალთა შორის. საქართველოს ნაკრები ევროპის ჩემპიონატზე 14 სპორტსმენით წარსდგება.