16-დან 20 წლამდე ან უვადო პატიმრობა - რას მიუსჯიან ფონიჭალაში დედა-შვილის მკვლელობის საქმეში ბრალდებულს, ცნობილი დღეს გახხდება. პროცესი 3 საათზეა ჩანიშნული.
გიორგი ხაბელაშვილი ნაფიცმა მსაჯულებმა დამნაშავეს ცნეს. გადაწყვეტილება 10 ხმით 2-ის წინააღმდეგ მიიღეს. საქალაქო სასამართლოში მიმდინარე საქმეზე ნაფიცმა მსაჯულებმა ვერდიქტი ხუთსაათიანი მსჯელობის შემდეგ გამოიტანეს. კანონის შესაბამისად, მათ თავდაპირველად ოთხი საათი განესაზღვრათ. აღნიშნულ დროში ერთხმად გადაწყვეტილების მიღება ნაფიცმა მსაჯულებმა ვერ შეძლეს,
ვადის ამოწურვის შემდეგ ავტომატურად განისაზღვრა მეორე ეტაპი – დამატებით რვა საათი. სხდომაზე გარდაცვლილი დედა-შვილის ოჯახის წევრები და ნათესავებიც იმყოფებოდნენ, რომლებმაც გიორგი ხაბელაშვილის მიმართ უვადო პატიმრობა მოითხოვეს.