სერგეი ლავროვის ვიზიტიდან რამდენიმე დღეში აფხაზეთის საოკუპაციო რეჟიმი მორიგ უკანონო გადაწყვეტილებას იღებს. საქართველოს ოკუპირებულ რეგიონში მცხოვრებლებისთვის ახალი შეზღუდვები წესდება.

ე.წ. რეგულაციების მიხედვით, ენგურის სანაპირო ზოლთან მცხოვრებ ოჯახებს მიწების დამუშავების უფლება ეზღუდებათ. კუთვნილ ნაკვეთებზე შესასვლელად მოსახლეობას სპეციალური ე.წ. საშვები სჭირდება.

დე ფაქტო რეჟიმი გამკაცრებული კონტროლის მიზეზებზე არ საუბრობს. ოფიციალური თბილისი საკითხს უახლოეს მომავალში ჩანიშნულ ყველა საერთაშორისო დონის მოლაპარაკებაზე დააყენებს.