ცხინვალის საოკუპაციო რეჟიმი უკანონო გადაწყვეტილების აღსრულებას იწყებს. დასახელდა პირველი ოჯახი, რომელიც ოკუპირებულ ახალგორში მდებარე ერთ-ერთ მიტოვებულ ბინაში უნდა შეასახლონ.

ჯერ უცნობია, მოჰყვება თუ არა პროცესს გაგრძელება, თუმცა, უკვე დაწყებულია იმ სახლების და ბინების აღრიცხვა, სადაც წლებია, არავინ ცხოვრობს.

ჯერ კიდევ ივნისში გაჟღერებული ინიციატივის შესაჩერებლად ოფიციალური თბილისი საკითხის განხილვას ჟენევის მოლაპარაკებების მორიგ რაუნდზე გეგმავს, შეხვედრა ოქტომბერშია ჩანიშნული.