გერმანიის ფედერაციულ რესპუბლიკაში საგარეო საქმეთა მინისტრის ოფიციალური ვიზიტის ფარგლებში, გაიმართა შეხვედრა საგარეო პოლიტიკისა და უსაფრთხოების საკითხებში გერმანიის ფედერალური კანცლერის მრჩეველ ქრისტოფერ ჰოისგენთან.
საქართველოს საგარეო უწყების ინფორმაციით, მიხეილ ჯანელიძის კანცლერის მრჩეველთან შეხვედრაზე საუბარი შეეხო საქართველო - გერმანიას შორის წლების განმალობაში ჩამოყალიბებულ მეგობრულ და პარტნიორულ ურთიერთობებს, რომელიც წარმატებით ვლინდება როგორც პოლიტიკურ, ასევე სხვადასხვა სფეროში თანამშრომლობით.
საქართველოს საგარეო საქმეთა მინისტრმა მადლობა გადაუხადა გერმანულ მხარეს საქართველოს მხარდაჭერისთვის ევროპული და ევრო-ატლანტიკური ინტეგრაციის გზაზე, ხაზი გაუსვა ბერლინის მხარდაჭერის გადამწყვეტ როლს ევროკავშირთან უვიზო რეჟიმის ამოქმედებაში. თავის მხრივ გერმანულმა მხარემ აღნიშნა საქართველოს მიერ გაწეული შთამბეჭდავი პროგრესი და საქართველოს მნიშვნელოვანი ტრანსპორმაცია, რაც მას ვეროპული ოჯახის ღირსეულ წევრად აქცევს.
"მხარეებმა ასევე ისაუბრეს რეგიონალური უსაფრთხოების საკითხებზე. საქართველოს საგარეო უწყების ხელმძღვანელმა მიმოიხილა რუსეთის ფედერაციის მხრიდან საქართველლოს ოკუპირეებული რეგიონების - აფხაზეთისა და სამხრეთ ოსეთის ანექსიისკენ გადადგმული ნაბიჯები. გერმანულმა მხარემ საქართველოს აღუთქვა მხარდაჭერა ქვეყნის სუვერენიტეტის, ტერიტორიული მთლიანობის ყველა საერთაშორისო ფორმატში მხარდაჭერის პროცესში და დადებითად შეაფასა საქართველოს ხელისუფლების პოლიტიკა, რომელიც მიმართულია კონფლიქტის მშვიდობიანი მოგვარების, ვითარების დეესკალაციის და ომით დაშორიშორებულ მოსახლეობას შორის ნდობის აღდგენის პროცესისდამი",-ნათქვამია საგარეო უწყების ინფორმაციაში.
შეხვედრის ფარგლებში მხარეებმა განსაკუთრებული შეფასება მისცეს საქართველო-გერმანიის მეგობრობის წელს და მის ფარგლებში დაგეგმილი ღონისძიებების მნიშვნელობას ორი ქვეყნის, როგორც პოლიტიკუსი, ასევე ხალხთაშორისო და კულტურული დაახლოების მხრივ.