საქართველოს საგარეო საქმეთა მინისტრი ტოკიოში იაპონიის საერთაშორისო თანამშრომლობის ორგანიზაციის პრეზიდენტს შეხვდა, რომელიც ახლო მომავალში საქართველოს ეწვევა.
ვიზიტის ფარგლებში, თბილისში საზეიმოდ გაიხსნება ორგანიზაციის რეგიონალური ოფისი. შეხვედრისას მიხეილ ჯანელიძემ მადლობა გადაუხადა იაპონურ მხარეს, თანამშრომლობისა და იმ საქმიანობისთვის, რასაც ორგანიზაცია საქართველოში ეწევა დამოუკიდებლობის აღდგენის დღიდან.
ორგანიზაციის პრეზიდენტის განცხადებით, იაპონიისთვის მნიშვნელოვანია დაეხმაროს საქართველოს მისი აღმშენებლობის გზაზე. მან გამოხატა მზადყოფნა გააგრძელოს საქართველოსთან თანამშრომლობა ინფრასტრუქტურული პროექტების განხორციელების პროცესში, მათ შორის დასავლეთ-აღმოსავლეთის დამაკავშირებელი მაგისტრალის პროექტის განხორციელებაში.