"ჰიუსტონ როკეტსი" ეროვნული საკალათბურთო ასოციაციის პლეი-ოფის მომდევნო ეტაპზე ითამაშებს.

მაიკ დ ანტონის გუნდმა დასავლეთ კონფერენციის მეოთხედფინალური სერია "ოკლაჰომა სითი თანდედერს" 4-1 მოუგო.

დღეს დილით ამ წყვილის მეხუთე შეხვედრა, ჰიუსტონის "ტოიოტა ცენტრში" შედგა და მასპინძელთა გამარჯვებით, ანგარიშით 105-99 დასრულდა.

ტეხასელებს, რა თქმა უნდა, ჯეიმს ჰარდენი ლიდერობდა, რომლის ანგარიშზეც, 34 ქულა და 8 მოხსნა დაფიქსირდა. სტუმართა შორის რასელ უესტბრუკმა 47 ქულა 11 მოხსნა და 9 შედეგიანი გადაცემა მიითვალა აქტივში.

აღსანიშნავია, რომ ვესტბრუკმა ბოლო მეოთხედში ძალიან დაბალი პროცენტით ისროლა, რამაც საბოლოო გავლენა იქონია მატჩზე.

"ჰიუსტონ როკეტსი" კონფერენციის ნახევარფინალში "სან ანტონიო სფერსს" და მემფის "გრიზლის" შორის გამარჯვებულს დაუპირისპირდება, იმ სერიაში სან ანტონიო 3-2-ს იგებს.

კიდევ ერთ შეხვედრაში იუტ ჯაზმა "ლოს ანჯელეს კლიპერსს" სტუმრად აჯობა და საერთო ანგარიშში 3-2 დაწინაურდა. ჯაზმენები მეექვსე თამაშს საკუთარ დარბაზში გამართავენ და გამარჯვების შემთხვევაში, მომდევნო ეტაპზე გავლენ