საკალათბურთო ევროლიგაში პლეი-ოფის ეტაპი დაიწყო.

საუკეთესო რვა გუნდი ოთხთა ფინალში მოსახვედრად იბრძვის. თორნიკე შენგელიას ბასკონიამ სტუმრად ცეესკასთან ანგარიშით 90-98 წააგო.

უნდა აღინიშნოს, რომ ესპანურმა კლუბმა ევროლიგის მოქმედ ჩემპიონს, სერიოზული წინააღმდეგობა გაუწია.

საკმაოდ პრუდუქტიული იყო სტუმართა ქართველი ლეგიონერი თორნიკე შენგელია, რომელმაც 21 წუთში 12 ქულა 4 მოხსნა და 3 შედეგიანი გადაცემა გააკეთა.

ცეესკას მილოშ ტეოდოსიჩმა ულიდერა. სერბმა გამთამაშებელმა 22 ქულა მიითვალა აქტივში. მოსკოვური გუნდი სერიაში დაწინაურდა. მომდევნო შეხვედრა, ხვალ, ისევ მოსკოვში გაიმართება. დღეს, მადრიდის რეალი დარუშაფაკას და ოლიმპიაკოსი-ეფესის სერიის პირველი მატჩები გაიმართება.