ნაციონალურ საკალათბურთო ასოციაციაში გრძელდება პლეი-ოფის გათამაშების პირველი ეტაპი. აღმოსავლეთ კონფერენციაში მოქმედი ჩემპიონი "კლივლენდ კავალიერსი", "ინდიანა პეისერსს" სერიას უკვე 3-0-ს უგებს.

კავალერებმა გუშინ სასწაული თამაში შემოატრიალეს. ტაირონ ლიუს გუნდმა, ინდიანაში ჩატარებული, მატჩის პირველი ტაიმი 49-74 წააგო, თუმცა 25 ქულიანი ჩამორჩენის აღმოფხვრა "კლივლენდმა" მეორე ტაიმში მოახერხა და თამაში 5 ქულით აქეთ მოიგო, ანგარიშით 119-114. ამის მთავარი შემოქმედი, ლებრონ ჯეიმსი გახდა.

მეფემ სამმაგი დუბლი შეასრულა: 41 ქულა 13 მოხსნა და 12 შედეგიანი პასი." ინდიანაში" გუნდის ლიდერი პოლ ჯორჯი გამოირჩეოდა 36 ქულით, 15 მოხსნით და 9 ზუსტი გადაცემით. კავალიერსი კონფერენციის ნახევარფინალთან ძალიან ახლოსაა. ამ გუნდების სერიის მეოთხე შეხვედრა ზეგ ისევ ინდიანას დარბაზში გაიმართება